TIRANË — Kryeqyteti është përfshirë sërish nga ethet e protestave këtë të shtunë, ku dy tubime të mëdha janë paralajmëruar të zhvillohen paralelisht në orën 12:00, njëra nga lëvizja studentore dhe tjetra nga Partia Demokratike.

Grumbullimet e para të studentëve kanë nisur përpara godinës së Ministrisë së Arsimit, ndërsa forcat opozitare po bëhen bashkë përballë godinës së Kryeministrisë. Kreu i PD-së, Sali Berisha, ka deklaruar më herët se opozita do të vijojë mbështetjen e plotë ndaj protestës, duke mbajtur një qëndrim mbështetës ndaj tensioneve dhe akteve të rezistencës të regjistruara në rrugët e kryeqytetit.

Nga ana tjetër, kryeministri Edi Rama ka përsëritur thirrjen për dialog përmes një videoje të shpërndarë në rrjetet sociale, ku shfaqet tryeza e gurtë përpara Kryeministrisë me fletët e vendosura mbi të ku shkruhet fjala “dialog”, ndërkohë që organizatorët e protestës vijojnë të refuzojnë uljen në tratativa.