Bojkoti i avokatëve merr fund. Kreu i Dhomës së Avokatisë, Maks Haxhia, ka deklaruar përfundimin e bojkotit pas vendimit të Gjykatës Administrative të Apelit, e cila ka pezulluar ecurinë e tij.

Në deklaratën e tij, Haxhia bëri të ditur se vendimi për ndërprerjen e bojkotit vjen në zbatim të vendimit të Gjykatës, ndërsa theksoi se Këshilli i qëndron vendimmarrjes së mëparshme dhe nuk e konsideron atë të gabuar.

“Jemi përpara një vendimi të marrë nga Apeli Administrativ që është pezulluar ecuria e bojkotit të marrë nga ky Këshill. Ne i qëndrojmë këtij vendimi, nuk kemi marrë asnjë vendim të gabuar. Nisur nga ky vendim deklarojmë përfundimin e bojkotit, pasi jemi përballë vendimit të Gjykatës Administrative të Apelit”, deklaroi Maks Haxhia.

Me këtë njoftim, përfundon bojkoti i avokatëve, i cili ishte vendosur më herët nga Këshilli, ndërsa zhvillimet e mëtejshme pritet të përcaktojnë rikthimin e aktivitetit normal në sistemin gjyqësor.