Bordi i Transaparencës dhe Kufizimit të Përkohshëm të çmimeve të tregtimit me shumicë/pakicë të nënprodukteve të naftës dhe të gazit, rriti sot ndjeshëm çmimin e naftës.

Duke nisur nga ora 15 e së premtes, nafta shkon në 218 lekë litri.

Më herët dje, nafta u ul me një lek duke shkuar 212 lekë nga 213 që ishte prej 14 tetorit.

Vlera e re 218 lekë për litër është fare pranë limitit 220 lekë, vlerë kur qeveria është e detyruar të ulë akcizën.

Sakaq çmimi i shitjes me pakicë i nënproduktit benzinë e standardit SSH EN u vendos të jetë jo më shumë se 179 lekë/litri.

Çmimet e caktuara nga Bordi do të hynë në fuqi sot datë 30 ora 15.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.