TIRANË — Këshilli Bashkiak i Tiranës ka miratuar listën përfundimtare me 1,737 përfitues të rinj të programit social “Për subvencionimin e interesave të kredive”, duke u mundësuar familjeve dhe individëve të përzgjedhur blerjen e një banese me kushte lehtësuese.

Vendimi i marrë në mbledhjen e muajit tetor i hap rrugë paraqitjes së fituesve pranë bankave të nivelit të dytë partnerë me Bashkinë e Tiranës për të vijuar procedurat e aplikimit. Sipas kushteve të programit social, familjet përfituese do ta shlyejnë kredinë me një normë fikse interesi prej 3 për qind, ndërsa pjesa tjetër e normës mulohet me subvencion nga buxheti i shtetit.

Masa vjen si një instrument mbështetës për çiftet e reja dhe familjet me të ardhura të ulëta apo mesatare, në një kohë kur rritja e çmimeve të pasurive të paluajtshme në kryeqytet ka vështirësuar aksesshmërinë në tregun e lirë të strehimit. Suma përfundimtare e financimit bankar për secilin aplikues do të përcaktohet mbi bazën e numrit të anëtarëve të familjes dhe kritereve të vlerësimit financiar.

Lista e plotë e fituesve: 

copy-of-lista-fituese-sik-2026-1-6ae476de3a441