BERLIN, 30 Tetor 2026 — Gjermania po përgatitet për një valë protestash të organizuara nga rinia kundër politikave të qeverisë së kancelarit Friedrich Merz. Më 31 tetor, mijëra nxënës, studentë dhe të rinj profesionistë pritet të marshojnë në rrugët e mbi 20 qyteteve kryesore gjermane për të kundërshtuar shkurtimet e shpenzimeve sociale, rritjen e kostos së jetesës dhe planet për rikthimin e shërbimit të detyrueshëm ushtarak.

Mobilizimi udhëhiqet nga lëvizja "Gen Z Regelt" (Gjenerata Z merr situatën në dorë), e cila i ka drejtuar një letër të hapur kancelarit Merz duke akuzuar qeverinë se po vendos në lojë të ardhmen e brezit të ri përmes politikave të shtrëngimit ekonomik. Përveç kundërshtimit ndaj shërbimit ushtarak, organizatorët dënojnë mungesën e masave efëtive për krizën klimatike dhe trajtimin e shqetësimeve rinore mbi konfliktet ndërkombëtare. Demonstratat kryesore janë parashikuar në Berlin, Hamburg, Mynih, Frankfurt dhe Këln, ndërsa organizatorët raportojnë se mbi 150 mijë persona janë regjistruar online për t’iu bashkuar tubimeve.

Kërkesat e qendrueshme të lëvizjes përfshijnë rritjen e financimit për arsimin, mbrojtjen e të drejtave themelore, frenimin e mbikëqyrjes shtetërore dhe masa konkrete për sigurimin e një jetese të përballueshme pa rënduar barrën buxhetore mbi brezat e rinj.