TIRANË, 29 Tetor 2026 — Gjykata e Lartë ka caktuar datën 10 dhjetor për mbajtjen e seancës gjyqësore që do të shqyrtojë çështjen e ish-ministrit të Brendshëm, Saimir Tahiri, një rekurs i cili ishte depozituar që prej vitit 2022.

Në këtë seancë, ish-ministri kërkon shpalljen e pafajësisë, ndërsa Prokuroria e Posaçme (SPAK) kërkon në rekursin e saj dënimin e tij për veprat penale të trafikut të lëndëve narkotike dhe pjesëmarrjes në grup të strukturuar kriminal. Deri më tani, dy shkallët e gjykatës e kishin dënuar Tahirin vetëm për "shpërdorim detyre", duke rrëzuar akuzat më të rënda.

Saimir Tahiri fillimisht u dënua nga ish-Gjykata për Krime të Rënda me 3.4 vite burg, vendim që u konvertua në shërbim prove. Pasi kaloi rreth 16 muaj në qeli, ai u lirua nga Gjykata e Elbasanit, e cila vendosi që pjesën e mbetur të dënimit ta vuante në banesë për shkak të rrethanave familjare dhe arritjes së qëllimit të rehabilitimit.