DNIPRO — Të paktën 13 persona kanë humbur jetën dhe pesë të tjerë janë plagosur si pasojë e një sulmi rus me dron që goditi një tren pasagjerësh dhe stacionin hekurudhor në qytetin e Dnipros në Ukrainë.

Lajmi është konfirmuar nga guvernatori i rajonit të Dnipropetrovskit, Oleksandr Ganza, përmes një deklarate në rrjetin social Telegram.

Përfaqësuesit e hekurudhave ukrainase dhe kryetari i bashkisë së Dnipros, Boris Filatov, bënë me dije se shënjestër e drejtpërdrejtë e këtij sulmi vdekjeprurës ishte infrastruktura hekurudhore dhe treni me civilë që ndodhej në stacion. Ekipet e emergjencës ndodhen në vendngjarje për të ndihmuar të plagosurit dhe për të menaxhuar pasojat e goditjes.