TIRANË — Tensione të reja kanë përfshirë sallën e Kuvendit të Shqipërisë gjatë seancës plenare të ditës së sotme, ku deputetët e opozitës kanë vijuar aksionin e tyre duke ndezur flakadanë pas bllokimit të foltores.

Për shkak të krijimit të kaosit dhe përdorimit të lëndëve piroteknike brenda ambientit parlamentar, drejtuesit e seancës kanë marrë vendimin për përjashtimin e menjëhershëm nga punimet plenare të katër deputetëve demokratë: Blendi Himçi, Ivi Kaso, Xhelal Mziu dhe Bledion Nallbati.

Vendimi vjen pas përplasjeve të vazhdueshme në sallë, ku deputetët opozitarë protestuan për zhvillimet e fundit dhe ndërhyrjen e forcave të Gardës së Republikës.