KAMËZ — Një sasi e dyshuar lënde plasëse është konstatuar në orët e para të mëngjesit të sotëm pranë hyrjes së një lokali në rrugën “Berisha” në Kamëz.

Sipas njoftimit zyrtar nga Policia e Tiranës, ngjarja është regjistruar rreth orës 06:30, ku lënda plasëse me sa duket ishte vendosur pranë derës së subjektit në pronësi të 38-vjeçarit me inicialet K. H., por nuk ka shpërthyer.

Në vendngjarje kanë ndërhyrë me urgjencë shërbimet e specializuara xheniere, të cilat kanë bërë të mundur çaktivizimin dhe largimin e sigurt të lëndës së dyshuar. Ndërkohë, grupi hetimor po vijon punën për të identifikuar autorët dhe për të zbardhur rrethanat e plota të ngjarjes.