TIRANË — Për të 16-ën ditë radhazi të revoltës studentore, përpara godinës së Kryeministrisë është vendosur sot një tavolinë prej guri, si një simbol i ri i ftesës së kreut të qeverisë, Edi Rama, për të hyrë në dialog me të rinjtë protestues.

Kjo zgjidhje simbolike vjen pas veprimeve të ditëve të fundit, ku studentët u kanë vënë flakën karrigeve të vendosura më parë për bisedime dhe kanë rrokullisur gurët e vendosur në shesh, duke shprehur refuzimin e tyre të prerë për bisedime.

Pavarësisht ftesave të përsëritura nga ana e kryeministrit, studentët vijojnë të këmbëngulin në kërkesën e tyre kryesore për dorëheqjen e tij nga detyra, duke e konsideruar çdo mundësi dialogu të papranueshme pa plotësimin paraprak të kësaj kërkese.