Të dhënat po ngarkohen...
Transmetuar më 28-10-2026, 13:14
BRASÍLIA, 28 Tetor 2026 — Gjykata Supreme Federale e Brazilit ka rrëzuar në mënyrë unanime ankimin e dytë ligjor të Ervin Matës, duke mbyllur përfundimisht fazën e kundërshtimeve gjyqësore kundër ekstradimit të tij drejt Shqipërisë.
Vendimi i marrë nga Trupi i Parë Gjyqësor, nën relatinë e gjyqtarit Alexandre de Moraes, refuzoi argumentet e mbrojtjes që lidheshin me kërkesën për azil në Brazil dhe kontestimin e juridiksionit të autoriteteve shqiptare. Gjykata e vlerësoi ankesën të pabazuar dhe urdhëroi certifikimin e menjëhershëm të vendimit si të formës së prerë.
Pavarësisht mbylljes së shkallëve të gjyqësorit në Brazil, dorëzimi fizik i Matës te autoritetet shqiptare mbetet në pritje të dekretimit nga Presidenti i Brazilit, si dhe të formalizimit të garancive ligjore nga pala shqiptare në përputhje me procedurat ndërkombëtare.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd