ISTOG, 27 Tetor 2026 — Një aksident i rëndë në vendin e punës i ka marrë jetën një punëtori mëngjesin e kësaj të marte në fshatin Dubravë të Komunës së Istogut.

Viktima është identifikuar si Xhemë Kadriu, nga fshati Kopiliq i Skënderajt. Sipas dyshimeve të para, ai u zunë poshtë nga një ashensor gjatë kohës që po kryente punime brenda një ndërtese.

Pas incidentit, i dëmtuari u transportua me urgjencë drejt Qendrës Kryesore të Mjekësisë Familjare në Istog, por mjekët kujdestarë konstatuan se ai kishte mbërritur pa shenja jete.

Lajmi u konfirmua zyrtarisht nga zëdhënësi i Policisë së Kosovës për rajonin e Pejës, Driton Rugova, i cili bëri të ditur se autoritetet u njoftuan rreth orës 08:40.

Njësitë kompetente policore dhe inspektorati i punës kanë dalë në vendngjarje dhe po punojnë për zbardhjen e plotë të rrethanave të këtij aksidenti fatal.