Paketa e re fiskale që ka përgatitur qeveria planifikon të çojë në 6 për qind TVSH (Tatimi mbi Vlerën e Shtuar). Deri sot ne kemi qenë i vetmi vend në rajon dhe Evropë që mban TVSH të njëjtë si çdo produkt tjetër, përfshirë kozmetikën.

Me ndryshimin e ri pritet që Shqipëria, nga vendi me normën më të lartë të TVSH-së për këto produkte, të renditet e dyta në rajon me normën më të ulët.

Por cilat produkte përfshihen në reduktimin e TVSH? Sipas paketës fiskale 2027, ulet në 6 për qind TVSH për miellin, bukën, qumështin dhe nënproduktet e tij, orizin, makaronat, vajin, vezët, mishin, sheqerin, fasulet, thjerrëzat, peshkun, si dhe frutat e perimet e freskëta. Po ashtu përfshihen dhe produktet për bebe.

Aktualisht normën më të ulët të të tvsh për ushqimet e ka Maqedonia e Veriut, vetëm 5 për qind. Ky vend e ka 18 për qind TVSH për produktet e tjera.

Por në vendin fqinjë, legjislacioni parashikon gjithashtu një normë tjetër të reduktuar prej 10%, e cila zbatohet për kategori të veçanta produktesh dhe shërbimesh.

Ndër vendet e tjera, Mali i Zi e ka 7 për qind TVSH për ushqimet dhe 21 për të tjerat.

Kosova e ka 8 për qind për ushqimet dhe 18 për qind për të tjerat.

Serbia e ka TVSH për ushqimet bazë, 10% dhe 20 për qind për të tjerat. /noa.al