FIER — Specialistët e Seksionit për Hetimin e Krimeve Ekonomike dhe Financiare në DVP Fier kanë ndaluar shtetasin Hidir Zani, 56 vjeç, banues në Fier, i cili ishte shpallur në kërkim kombëtar në kuadër të operacionit të koduar “Stolen Land”.

Kapja e 56-vjeçarit u bë pasi Gjykata e Shkallës së Parë e Juridiksionit të Përgjithshëm Fier i ka caktuar masën e sigurisë “Arrest në burg” për veprën penale “Shpërdorimi i detyrës”, e kryer në disa raste.

I ndaluari akuzohet se ka shpërdoruar detyrën gjatë kohës që ushtronte funksionin si jurist pranë Agjencisë Shtetërore të Kadastrës (AShK) në Fier.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier për veprime të mëtejshme hetimore.

Çfarë tha policia

DVP Fier/Vijon operacioni i koduar “Stolen Land”, ndalohet ish-juristi i AShK Fier, i shpallur në kërkim për shpërdorim detyre.

Specialistët e Seksionit për Hetimin e Krimeve Ekonomike dhe Financiare kanë ndaluar shtetasin H. Z., 56 vjeç, banues në Fier, i cili ishte shpallur në kërkim në kuadër të operacionit “Stolen Land”, i zhvilluar disa javë më parë.

Ky shtetas ishe shpallur në kërkim pasi Gjykata e Shkallës së Parë e Juridiksionit të Përgjithshëm Fier, me vendimin e datë 17.09.2026, i ka caktuar masën e sigurisë “Arrest në burg”, për veprën penale “Shpërdorimi i detyrës”, në disa raste.

Shtetasi H. Z. akuzohet se ka shpërdoruar në disa raste, detyrën si jurist në AShK Fier.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.