FIER — Një aksident rrugor ka ndodhur mëngjesin e sotëm në aksin Fier–Patos, pranë zonës së ish-parkut të automjeteve në Fier, ku një e moshuar është goditur nga një makinë ndërsa ndodhej në këmbë në anë të rrugës.

Automjeti i tipit “Volkswagen Passat” me targa AB 342 GR përfshirë në ngjarje ka ndaluar menjëherë pas përplasjes, ndërsa drejtuesi i mjetit dha ndihmën e parë.

E dëmtuara është transportuar me urgjencë drejt Spitalit Rajonal të Fierit, ku po merr ndihmën e nevojshme mjekësore.

Sipas informacioneve paraprake nga mjekët, e moshuara ndodhet jashtë rrezikut për jetën.

Efektivët e Policisë kanë mbërritur në vendin e ngjarjes për të menaxhuar trafikun e rënduar në këtë aks rrugor. Ndërkohë, grupi hetimor ka nisur punën për zbardhjen e plotë të rrethanave dhe shkaqeve të aksidentit.