Princi Albert dhe Princesha Charlene vajtojnë vdekjen e të afërmit të tyre. Antoine de Massy, 29 vjeç, vinte nga një familje e lidhur ngushtë me tenisin në Monako dhe vetë ishte një lojtar i apasionuar. I ndjeri ishte kushëri i Princit të Monakos dhe nip i Princeshës Antoinette, motrës së madhe të Princit Rainier III

Monako – Trupi i Antoine de Massy, ​​kushëririt të parë të Princit Albert II, u gjet në një park publik të Monakos. Një hetim ka nisur për vdekjen, raporton noa.al duke cituar Monaco Matin.

I ndjeri de Massy ishte 29 vjeç. Ai ishte djali i Baronit Christian de Massy dhe Cécile Guélabal, nipi i Princeshës Antoinette – motra e madhe e Princit Rainier III – dhe kushëri i parë i Princit mbretëror Albert II.

Të dielën, de Massi nuk u paraqit në një darkë familjare, duke bërë që një nga të afërmit e tij të kontaktonte policinë.

Prokurori i Përgjithshëm i Monakos, Stéphane Thibault, i tha gazetës se pasi u zbulua trupi, "u nis një hetim për të përcaktuar shkakun e vdekjes".

Si pjesë e hetimit, u ndalua një burrë i identifikuar nga pamjet e kamerave të sigurisë, i cili ndodhej pranë vendit të ngjarjes.

Policia e Monakos nuk po përjashton asnjë pistë. Ajo tha se shqyrtoi pamjet e kamerave të sigurisë dhe identifikoi një person pranë vendit të ngjarjes, i cili u arrestua më vonë dhe ishte ende në paraburgim të hënën në mbrëmje. Por zyrtarët nuk kanë thënë nëse personi është i dyshuar.

Prokurori i përgjithshëm i Monakos i tha gazetës lokale se një hetim ishte hapur "për të përcaktuar shkakun e vdekjes".

Sipas agjencisë së lajmeve AFP, Antoine de Massy u pa duke u lëkundur teksa po largohej nga një klub nate në Monako të dielën në mbrëmje.

Burri i arrestuar të hënën, sipas AFP, është një banor ukrainas i Monakos, i cili thuhet se u pa me Antoine në videot e mbikëqyrjes.