MILANO, 26 Tetor 2026 — Një tjetër akt me sfond vandalizmi ka prekur imazhin e legjendës së Milanit dhe kombëtares italiane, Franco Baresi, duke nxitur reagime të ashpra në opinionin publik spirtiv.

Lajmi është bërë i ditur nga gazetari i njohur italian Carlo Pellegatti, i cili përmes një postimi në rrjetet sociale ka denoncuar shpërfytyrimin e muralesit të vendosur përballë selisë zyrtare të klubit kuqezi.

Sipas pamjeve të publikuara, personat ende të paidentifikuar kanë mbuluar me bojë të zezë trofeun e Ligës së Kampionëve, shiritin e kapitenit si dhe logon e klubit të Milanit.

Gazetari Pellegatti e ka cilësuar ngjarjen si një veprim skandaloz dhe të turpshëm që cenon një prej figurave më simbolike të futbollit italian.

Kjo nuk është hera e primë që vepra e artit përballet me sulme të tilla, pasi vetëm pak javë më parë artisti Luca Rosada, i njohur si "Lucas Street Art", kishte dorëzuar variantin e ripunuar të muralesit pas dëmtimit të parë.

I menjëhershëm ka qenë edhe reagimi i vetë artistit Rosada, i cili ka deklaruar se do të rikthehet sërish për ta riparuar veprën në shenjë respekti për figurën e kapitenit legjendar të Milanit.