VIENË — Kandidati për president në Austri, Günther Fehlinger-Jahn, ka reaguar pas rezultateve të zgjedhjeve të parakohshme parlamentare në Serbi dhe fitores së shënuar nga Lista Studentore.

Përmes një postimi në platformën sociale "X", Fehlinger-Jahn komentoi humbjen e partisë së Aleksandar Vuçiç, duke parashikuar shtrirjen e kësaj vale politike edhe në Shqipëri.

“Sonte Vuçiç, nesër Rama”, deklaroi Fehlinger-Jahn në reagimin e tij publik.

Politikani austriak shprehu bindjen se kundërshtimi qytetar ndaj udhëheqësve me prirje autoritare do të përhapet me shpejtësi në vendet e tjera të rajonit të Ballkanit Perëndimor.