TIRANË — Kryetari i Bashkisë së Tiranës, Erion Veliaj, ka reaguar përmes një mesazhi publik lidhur me zhvillimet e fundit dhe protestat e studentëve në kryeqytet, si dhe për rezultatet e zgjedhjeve në rajon.

Në reagimin e tij, Veliaj theksoi se lëvizjet studentore duhet të shërbejnë si një moment reflektimi për klasën politike dhe vendimmarrësit, me qëllim adresimin e kërkesave të rinisë.

“Urime studentëve për rrëzimin e makiavelistit dhe populistit të Beogradit! Lëvizjet dhe protestat studentore nuk janë ‘fundi i botës’, por fundi i ‘një bote’. Sa më shpejt ta kuptojmë këtë si qytetarë e politikëbërës, aq më mirë do të dimë t’u përgjigjemi nevojave dhe pritshmërive të kësaj gjenerate”, deklaroi Veliaj.

Përveç zhvillimeve vendose, kreu i bashkisë u ndal edhe te projeksionet zgjedhore në Serbi, ku pogresi i koalicionit shqiptar pritet të sigurojë dy mandate në parlament. Veliaj e cilësoi këtë arritje si një hap të rëndësishëm për rritjen e përfaqësimit dhe mbrojtjen e të drejtave të shqiptarëve atje.