SOFJE — Bullgaria do të zhvillojë raundin e dytë të zgjedhjeve presidenciale më 1 nëntor, pasi asnjë prej kandidatëve kryesorë nuk arriti të sigurojë shumicën e nevojshme në votimet e së dielës, të cilat u karakterizuan nga një pjesëmarrje rekord e ulët.

Pas numërimit të 95% të votave, presidentja në detyrë Iliana Iotova udhëheq garën me 34.6% të votave, e ndjekur ngushtë nga ish-kryeministri në detyrë Andrey Gyurov me 32%. Meqenëse asnjëri prej tyre nuk e kaloi pragun prej 50%, të dy kandidatët do të përballen në balotazh.

Zgjedhjet u mbajtën në një atmosferë të tensionuar pas një serie sulmesh me dronë ndaj anijeve tregtare në brigjet bullgare të Detit të Zi, ngjarje që nxitën reagime ndërkombëtare dhe shqetësime për zgjerimin e ndikimit të luftës në Ukrainë. Dejtimi i vendit i kërkoi ndihmë aleatëve për sigurinë detare, ndërsa kryeministri Rumen Radev deklaroi se pasojat e sulmeve “shkojnë në dobi të Federatës Ruse”. Ndonëse të dy kandidatët i dënuan incidentet detare, ata mbajnë qëndrime të ndryshme lidhur me me ecurinë e konfliktit në rajon.