ROMË, 25 Tetor 2026 — Emiljan Vishkulli, vëllai i 28-vjeçarit të plagosur gjatë protestës në Tiranë, ka dhënë detaje të reja mbi gjendjen shëndetësore të të riut pas mbërritjes në spitalin e specializuar në Itali.

Në një intervistë për mediat, ai konfirmoi se gjendja e Erjonit paraqitet më e stabilizuar dhe se mjekët italianë kanë dhënë shpresa pozitive për rikuperimin e syrit të dëmtuar. Ai sqaroi gjithashtu ecurinë e procedurave, duke konfirmuar se të gjitha shpenzimet e transportit dhe trajtimit janë mbuluar nga institucionet publike shqiptare.

Deklarata e plotë e Emiljan Vishkullit:

“Gjendja e Erjonit duket më e stabilizuar. Na kanë thënë fjalë të mira për pjesën e rikuperimit të syrit. Shpresojmë që vëllai, të na vijë ashtu siç e patëm. Kemi pasur një avion të posaçëm, me mjekë që ishin kastile për vëllain. Për çdo lloj iniciative na janë përgjigjur strukturat shtetërore, si avionin, të gjitha i ka sjellë shteti deri në këto momente. Gjendja e vëllait duket mirë dhe strukturat shtetërore na janë përgjigjur në mënyrë korrekte. Nesër pritet që të bëhet operacioni i dytë, që shpresojmë që të jetë me lajme të mira.”