ITALI, 25 Tetor 2026 — Një vizitë familjare në malet e Italisë ka përfunduar në tragjedi për një turiste amerikane 36-vjeçare, e cila ka humbur jetën pasi ra nga një lartësi prej rreth 300 metrash në masivin e Dolomiteve.

Viktima është identifikuar si Michelle Alejandra Rubio Leyva, me banim në Florida, e cila punonte në fushën e komunikimit. Sipas raportimeve të medias italiane Corriere della Sera, 36-vjeçarja dyshohet se u largua nga shtegu i shënuar i ecjes për t’u afruar pranë një piku panoramik me qëllim shkëputjen e një fotografie. Gjatë lëvizjes në këtë terren të thyer dhe të ekspozuar, ajo ka humbur ekuilibrin duke u rrëzuar në humnerë.

Alarmi është dhënë menjëherë nga e motra e saj, por pavarësisht ndërhyrjes së menjëhershme të shërbimeve të emergjencës malore dhe helikopterit mjekësor, e reja u gjet pa shenja jete për shkak të plagëve të rënda. Sipas të dhënave, familja po udhëtonte drejt stacionit të teleferikut për t’u ngjitur në pikën turistike Sass Pordoi.