Një 44-vjeçar shqiptar përfundon në burg, pasi zbulohet urdhër-arresti për një vrasje të vjetër. Zbulimi erdhi pas ankesës së ish partneres së tij për dhunë në familje.

Sipas medias greke, burri u ndalua të premten 23 tetor pas një denoncimi të ish-partneres për dhunë në familje, por gjatë verifikimit policia zbuloi se ndaj tij kishte urdhër-arrest për vrasje me dashje në bashkëpunim.

Arrestimi i 44 vjeçarit u bë në Saronida, zona Anavyssos në Greqi, raporton noa.al. prangosja erdhi pasi ish-partnerja e tij ngriti një padi për dhunë në familje. Kur policia e shoqëroi në Departament, ata zbuluan se ndaj tij kishte një urdhër arresti për vrasje të paqëllimshme në bashkëpunim.

"Burri shqiptar u përpoq të hynte në shtëpinë e ish-partneres së tij 45-vjeçare, duke thyer derën hyrëse. Më jerët në gusht, ish e dashura kishte denoncuar se ishte përballur me kërcënime dhe dhunë fizike nga 44 vjeçari shqiptar.

Në fakt, gjatë inspektimit u zbulua se ai nuk kishte dokumentet e nevojshme për qëndrimin e tij të ligjshëm në vend.

Emigranti ilegal 44-vjeçar u dërgua në burgun e Korydallos pas arrestimit të tij.

Çfarë kishte ndodhur më 2003

Në 25 nëntor 2003, në Anavyssos, 44-vjeçari shqiptar, atëherë 21 vjeç, së bashku me autorë të tjerë të krimit, rrahën një bashkëatdhetar shqiptar 18-vjeçar dhe një 24-vjeçar duke përdorur shkopinj, thika dhe sëpata, duke rezultuar në plagosjen fatale të djalit 18 vjeçar.

Për ngjarjen, ndaj shqiptarit tashmë 44 vjeç ishte ngritur akuza e vrasjes së paqëllimshme. /noa.al