TIRANË, 25 Tetor 2026 — Ministria e Shëndetësisë dhe Mirëqenies Sociale ka publikuar bilancin zyrtar paraprak të personave të lënduar gjatë përplasjeve në protestën e së shtunës në Tiranë.

Sipas të dhënave të përditësuara në orën 09:15, në strukturat spitalore dhe poliklinikat e kryeqytetit janë paraqitur gjithsej 23 persona me dëmtime të ndryshme.

Në Spitalin Universitar të Traumës kanë marrë ndihmë mjekësore 16 të lënduar, mes të cilëve 12 protestues, 2 përfaqësues të medias dhe 2 efektivë policie.

Ndërkohë, në Qendrën Spitalore Universitare “Nënë Tereza” (QSUT) janë trajtuar 1 deputet i Kuvendit, 1 protestues, 2 efektivë policie dhe 1 përfaqësues i medias, të cilët pasi kanë marrë mjekimin e nevojshëm janë larguar nga spitali.

Gjithashtu, 2 efektivë të tjerë policie kanë marrë trajtim në Poliklinikën e Specialiteteve Nr. 2.

Vëmendja kryesore e ekipeve mjekësore mbetet te 28-vjeçari Erjon Vishkulli, i cili pësoi dëmtime të rënda në sy gjatë protestës.

Ministria bëri me dije se pasi i riu i është nënshtruar një ndërhyrjeje kirurgjikale të urgjencës gjatë ditës së djeshme, sot do të zhvillohet një konsultë e zgjeruar me një ekip të përbashkët profesionistësh nga SUT dhe QSUT për të përcaktuar hapat e mëtejshëm të trajtimit të tij.