TIRANË, 24 Tetor 2026 — Deputetja e pavarur Mariana Koçeku ka reaguar me tone të ashpra pas ngjarjes së rëndë të plagosjes së protestuesit Erjon Vishkulli, i cili u godit në sy gjatë përplasjeve me policinë në kryeqytet.

Përmes një deklarate publike, Koçeku dënoi përdorimin e dhunës nga forcat e rendit dhe theksoi se veprimet e tilla nuk do t’i frikësojnë qytetarët, por përkundrazi do të rrisin rezistencën e tyre në shesh.

"Trupi i qytetarit përdoret për të ngjallur frikë" Deputetja Koçeku bëri një paralele me nisjen e valës së protestave, duke nërvijëzuar se dhuna shtetërore ka qenë gjithmonë shkëndija e reagimit masiv qytetar:

"Herën e parë protestat shpërthyen masivisht se u mor zvarrë nji njeri. Sot pamë nji tjetër njeri që u godit në sy. E ndigjuem edhe britmën e tij. Pushteti vazhdon me e trajtu trupin e qytetarit si vendin ku duhet me u ngulë frika. Por çdo goditje ndaj nji protestuesi e ban edhe ma të qartë pse njerëzit vazhdojnë me qëndru në shesh."

Deklarata e Koçekut vjen në një kohë kur reagimet ndaj ndërhyrjes së policisë po shtohen si nga faktori politik ashtu edhe nga shoqëria civile, ndërsa situata në rrugët e Tiranës mbetet e tensionuar.