Një aksident i rëndë rrugor është regjistruar pranë mbikalimit të Casa Italia, në Tiranë.

Pamjet nga vendngjarja tregojnë një automjet të shkatërruar rëndë, ndërsa rrethanat në të cilat ka ndodhur aksidenti mbeten ende të paqarta.

Sipas informacioneve paraprake, dyshohet se aksidenti mund të ketë shkaktuar viktima, por deri më tani nuk ka një konfirmim zyrtar për numrin e personave të lënduar apo për humbje jete.

Pritet që Policia e Shtetit të japë detaje të mëtejshme mbi dinamikën e aksidentit dhe personat e përfshirë në ngjarje.

Informacioni mbetet paraprak dhe priten të dhëna zyrtare nga autoritetet.