TIRANË — Përmbysja e strukturës prej guri të improvizuar nga ekzekutivi ka shërbyer si mesazhi më i prerë i protestuesve, të cilët kanë hequr dhe shpërndarë letrat e vendosura mbi të gjatë tubimit përpara Kryeministrisë.

Mbi tryezën e betonit shihen copa letrash të dëmtuara e të shpërndara, ndërsa rreth saj ndodhen jastëkët e hequr, çka simbolizon refuzimin e prerë të ofertës së qeverisë për t’u ulur në bisedime pa plotësuar paraprakisht kërkesat e tyre.

Aksioni simbolik i protestuesve u realizua pa incidente të tjera të raportuara në ato momente, duke vijuar thirrjet e tyre drejtuar kreut të ekzekutivit për llogaridhënie dhe dorëheqje.