QAFË-THANË — Policia Kufitare dhe forcat e Policisë së Shtetit kanë rritur masat e kontrollit në pikën e kalimit kufitar të Qafë-Thanës gjatë dy ditëve të fundit, duke i nënshtruar automjetet e shtetasve shqiptarë që vijnë nga Maqedonia e Veriut në verifikime të imtësishme.

Vendosja e këtyre kontrolleve të rrepta lidhet me dyshimet e autoriteteve për transportimin e sendeve të ndaluara, si dhe me informacionet operative se grupe të caktuara qytetarësh nga shteti fqinj po udhëtojnë drejt kryeqytetit.

Sipas burimeve policore, masat parandaluese u ndërmorën me qëllim kontrollin e lëvizjeve që mund të kenë si destinacion bashkimin me protestat e paralajmëruara në Tiranë.