PRESHEVË, 23 Tetor 2026 — Gazetari nga Presheva, Valon Arifi, ka deklaruar se kandidatët e përfaqësuar nga lista studentore kanë mundësi reale të korrin fitore në zgjedhjet e ardhshme parlamentare në Serbi, duke sfiduar pushtetin e presidentit Aleksandër Vuçiç.

I ftuar në një lidhje të drejtpërdrejtë në emisionin “Review”, Arifi spikati se lëvizja studentore lindi pas kërkesave për përgjegjësi lidhur me ngjarjet në Novi Sad, çka pasua nga kërkesa për zgjedhje të parakohshme dhe krijimi i një liste të përbashkët me 250 kandidatë për deputetë.

Ndryshimi i mundshëm politik pas dy vitesh protesta

Sipas gazetarit, kandidatët e zgjedhur nga studentët për poste kyçe drejtuese, përfshirë atë të kryeministrit, shihen si favoritë për të marrë shumicën në Kuvendin e Serbisë.

Arifi njoftoi se një fitore e mundshme e kësaj liste do të shënonte fundin e regjimit aktual kundër të cilit studentët kanë protestuar për dy vite me radhë, një arritje që opozita tradicionale serbe nuk ia doli ta realizonte gjatë 12 viteve të fundit.