PRISHTINË, 23 Tetor 2026 — Kryetari i Komunës së Prishtinës, Përparim Rama, ka konfirmuar publikisht synimin e tij për të kandiduar për drejtimin e Lidhjes Demokratike të Kosovës (LDK), duke hapur garën brenda partisë dhe duke sfiduar lidershipin aktual.

I pyetur nga gazetarët mbi mundësinë e hyrjes në garë për kryetar të LDK-së, Rama konfirmoi këtë lëvizje politike, ndërsa u shpreh direkt lidhur me pozicionin e kryetarit aktual, Lumir Abdixhiku.

“Mendoj se do të kishte bërë mirë të jepte dorëheqje, ashtu duhet të bëjë”, deklaroi Rama para mediatve, duke kërkuar tërheqjen e Abdixhikut nga kreu i partisë.

Lumir Abdixhiku mori timonin e LDK-së në vitin 2021 dhe u rizgjodh në vitin 2023. Në janar të vitit 2026, pas ofrimit të dorëheqjes nga ana e tij, delegatët e Kuvendit të partisë votuan për qëndrimin e tij në detyrë. Nga ana tjetër, Përparim Rama vjen nga një seri fitoresh politike lokale, pasi ka fituar dy palë zgjedhje për drejtimin e kryeqytetit nën siglën e LDK-së, përkatësisht në vitet 2021 dhe 2025.