Artistja Rinesa Qeriqi, e njohur me emrin artistik “Rinessance”, është ndarë nga jeta në moshën 25-vjeçare, pas një beteje të gjatë me tumorin në tru.

Lajmin e trishtë e ka bërë të ditur motra e saj, Drenisa, përmes një mesazhi prekës në rrjetet sociale, ku i ka kushtuar fjalë të ndjera motrës së saj.

“Mëngjesi i sotëm na erdhi pa ty, Rina jonë. Do të mbetesh gjithmonë në zemrat tona, deri në përjetësi. Të duam fort, unë, mami, babi, Buna e Froni. Pusho e qetë, shpirt i bardhë”, shkroi ajo.

Drenisa bëri gjithashtu të ditur se detajet për ceremoninë mortore do të njoftohen në një moment të mëvonshëm, për shkak se familjarët ndodhen larg.

Ndarja e parakohshme nga jeta e artistes ka lënë pas dhimbje te familjarët dhe të afërmit e saj.

Ngushëllime familjes Qeriqi dhe të gjithë atyre që e njohën dhe e deshën Rinesën. U prehtë në paqe!