TIRANË — Studentët protestues kanë hedhur poshtë për të disatën herë ftesën e kryeministrit Edi Rama për t’u ulur në bisedime, duke vijuar tubimin e tyre përpara godinës së Kryeministrisë me thirrjen qendrore për dorëheqjen e kreut të ekzekutivit.

Gjatë kësaj proteste, të rinjtë kanë shprehur simbolikisht refuzimin e tyre duke përmbysur blloqet e betonit të vendosura më parë përpara godinës qeveritare me mbishkrimin “dialog”, si dhe u kanë posë zjarrin shilteve të vendosura mbi to.

Pavarësisht insistimit të kryeministrit për të çuar palët drejt tryezës së diskutimeve, komuniteti studentor këmbëngul se nuk do të ketë negociata pa u plotësuar kërkesat e tyre administrative dhe politike.