Lezhë – Akuzohet se plagosi me armë zjarri një 22-vjeçar 3 muaj më parë, në Sanxhak, dhe i vodhi automjetin, kapet në tentativë për të dalë jashtë shtetit, 47-vjeçari nga Lezha.

Policia lokale tha sot se specialistët për Hetimin e Krimeve të Rënda dhe shërbimeve të Komisariatit të Policisë Kurbin, u lidhën me shërbimet e Policisë Kufitare në Rinas dhe kështu u ndalua në dalje të Republikës së Shqipërisë, shtetasi në kërkim, Klodjan Ndoj, 47 vjeç, banues në fshatin Sanxhak.

Në muajin gusht të këtij viti, Gjykata e Lezhës i ka caktuar 47-vjeçarit, masën e sigurisë “Arrest në burg”, për veprat penale “Plagosja e rëndë me dashje”, “Vjedhja” dhe “Mbajtja pa leje dhe prodhimi i armëve, armëve shpërthyese dhe i municionit”.

Klodjan Ndoj akuzohet se në muajin korrik 2026 gjatë një konflikti për motive të dobëta, ka plagosur me armë zjarri, shtetasin Veron Pasha, 22 vjeç, të cilit edhe i ka vjedhur automjetin.

Materialet procedurale iu referuan Prokurorisë, për veprime të mëtejshme.

Çfarl ndodhi më 25 korrik

Më 25 korrik  rreth orës 19:00, është dërguar në spital shtetasi Veron Pasha, 22 vjeç, banues në fshatin Sanxhak, Kurbin, i plagosur në këmbë me armë zjarri, jashtë rrezikut për jetën.

Policia konstatoi se 47 vjeçari Klodjan Ndoj, i dyshuar si autori i ngjarjes, pas plagosjes u largua nga vendi i ngjarjes duke marrë, nën kërcënimin e armës, edhe automjetin e 22-vjeçarit.

Pas hetimit të parë, u identifikua dhe shpall në kërkim Klodjan Ndoj, 47 vjeç, banues në Sanxhak, Kurbin, i dyshuar si autor i plagosjes me armë zjarri të shtetasit V. P., 22 vjeç, banues në Sanxhak, Kurbin, i cili ndodhet jashtë rrezikut për jetën.

Nga veprimet hetimore rezultoi se autori, pas plagosjes, është larguar nga vendi i ngjarjes, duke i marrë 22-vjeçarit, nën kërcënimin e armës, automjetin.

Gjatë këqyrjes së vendit të ngjarjes u sekuestruan, në cilësinë e provës materiale, 2 gëzhoja.

Policia tha në korrik se po punohet intensivisht për kapjen e autorit dhe gjetjen e automjetit të 22-vjeçarit. Ndaj u ngarkuar me akuzat për veprat penale "Plagosja e rëndë me dashje", "Vjedhja me armë" dhe "Mbajtja pa leje e armëve, armëve shpërthyese dhe municionit".