SHBA, 22 Tetor 2026 — Themeluesi dhe drejtuesi i kompanisë Meta, Mark Zuckerberg, po shqyrton mundësinë e largimit nga shteti i Kalifornisë nëse do të miratohet propozimi për vendosjen e një takse të posaçme mbi pasurinë e miliarderëve. Kompania ka bërë me dije se paralelisht po vlerësohet edhe shitja e disa prej pronave të tij të paluajtshme në këtë shtet.

Propozimi ligjor, i cili pritet të hidhet në votim gjatë muajit nëntor, parashikon aplikimin e një takse të vetme prej 5% mbi pasurinë neto të individëve më të pasur. Për të garantuar që Zuckerberg të vazhdojë drejtimin e Meta-s nga Kalifornia për tetë vitet e ardhshme, kompania po shqyrton një skemë të re aksionesh që do t’i mundësonte atij të shiste një pjesë të konsiderueshme të interesit financiar pa humbur kontrollin e votës.

Nisiativa ka nxitur reagime të forta dhe kundërshtime mes figurave më të fuqishme të industrisë teknologjike në Silicon Valley, të cilët po lobojnë kundër miratimit të saj. Edhe vetë guvernatori i Kalifornisë, Gavin Newsom, është shprehur kundër kësaj mase, duke paralajmëruar se ajo rrezikon të nxisë largimin masiv të investitorëve të pasur dhe të dëmtojë buxhetin e shtetit.