TIRANË — Ka degjeneruar në përplasje të drejtpërdrejtë fizike dhe verbale seanca e sotme plenare në Kuvendin e Shqipërisë, duke detyruar drejtuesit e punimeve të ndërpresin punimet.

Gjatë momentit kur kryetari i grupit parlamentar të Partisë Socialiste, Taulant Balla, po merrte fjalën nga vendi, deputeti i opozitës Flamur Noka është afruar me shpejtësi duke e shtyrë dhe duke i shkëputur me forcë mikrofonin nga tryeza për t’i pamundësuar fjalën.

Pas këtij incidenti dhe tensioneve të përshkallëzuara në sallë, kryetari i seancës Niko Peleshi ka ndërhyrë menjëherë duke njoftuar ndërprerjen e parakohshme të seancës plenare deri në një njoftim të dytë.