TIRANË — Përreth godinës së Kuvendit të Shqipërisë janë angazhuar rreth 1 mijë efektivë policie, forca të Ndërhyrjes së Shpejtë (FNSH), repartet “Shqiponja” si dhe dy makina ujëhedhëse, me qëllim garantimin e rendit gjatë seancës plenare të kësaj të enjteje.

Masat e përforcuara të sigurisë përkojnë me nisjen e punimeve të parlamentit në orën 10:00, orar në të cilin është paralajmëruar edhe zhvillimi i protestës studentore përpara institucionit.

Kjo protestë vjen si vazhdimësi e revoltës rinore që vijon prej 10 ditësh në kryeqytet, e cila përgjatë ditëve të fundit është shoqëruar me përplasje të shpeshta, akte dhune dhe dhjetëra shoqërime e arrestime nga ana e forcave të rendit.