TIRANË — Policia e Shtetit ka rrethuar ditën e sotme të gjithë perimetrin e sigurisë në afërsi të godinës së Kuvendit të Shqipërisë, duke vendosur barriera metalike nga Xhamia e Namazgjasë e deri te hyrja kryesore e institucionit.

Masat e përforcuara të sigurisë merren në kuadër të zhvillimit të seancës plenare, paralelisht me protestën e paralajmëruar që pritet të mbahet jashtë ambienteve të parlamentit.

Në zonën përreth vihet re prani e shtuar e forcave të rendit, si dhe prani e shumtë e automjeteve të policisë për garantimin e rendit dhe parandalimin e incidenteve gjatë zhvillimit të manifestimit.