TIRANË, 22 Tetor 2026 — Pas shtyrjes së seancës së kaluar për shkak të shpërthimit të protestave, Kuvendi i Shqipërisë mblidhet sot në orën 10:00 në një klimë të ngarkuar politike dhe sociale.

Pika kyçe e rendit të ditës është interpelanca urgjente me Ministrin e Punëve të Brendshme, Ervin Demo, e kërkuar nga opozita për të kërkuar llogari mbi menaxhimin e protestave, veprimet e Policisë së Shtetit dhe përplasjet e dhunshme të ditëve të fundit. Përveç tij, në interpelanca janë thirrur edhe Ministri i Infrastrukturës dhe Energjisë, Enea Karakaçi, si dhe Ministri i Financave, Petrit Malaj.

Kryeministri Edi Rama nuk do të jetë i pranishëm në seancën e sotme plenare për shkak të një vizite zyrtare në Budva të Malit të Zi, ndërsa në Kuvend pritet të shqyrtohen edhe disa projektligje si dhe ngritja e Komisionit të Posaçëm për fazën e dytë të Reformës Administrativo-Territoriale.

Rendi i ditës i seancës plenare: Pika 1: Miratimi i procesverbalit të seancës plenare të datës 8.10.2026.

Pika 2: Njoftime.

Pika 3: Interpelancë urgjente me Ministrin e Punëve të Brendshme, z. Ervin Demo, kërkuar nga Grupi Parlamentar i Partisë Demokratike.

Pika 4: Interpelancë me Ministrin e Infrastrukturës dhe Energjisë, z. Enea Karakaçi, kërkuar nga deputeti Ermal Pacaj.

Pika 5: Interpelancë me Ministrin e Infrastrukturës dhe Energjisë, z. Enea Karakaçi, kërkuar nga deputeti Tedi Blushi.

Pika 6: Interpelancë me Ministrin e Financave, z. Petrit Malaj, kërkuar nga deputeti Tedi Blushi.

Pika 7: Projektligji "Për ratifikimin e konventës së Këshillit të Evropës për Mbrojtjen e Profesionit të Avokatit, bërë në Luksemburg, më 13 maj 2025".

Pika 8: Projektligji “Për ratifikimin e marrëveshjes ndërmjet Këshillit të Ministrave të RSH-së dhe qeverisë së Maqedonisë së Veriut për ngritjen e pikave të përbashkëta të kalimit kufitar dhe kontrollit të përbashkët”.

Pika 9: Projektligji “Për disa ndryshime dhe shtesa në ligjin nr. 55/2020 ‘Për shërbimet e pagesave’”.

Pika 10: Projektligji "Për parandalimin e pastrimit të parave dhe financimit të terrorizmit".

Pika 11: Projektligji “Për disa shtesa dhe ndryshime në ligjin nr. 35/2016 ‘Për të drejtat e autorit dhe të drejtat e tjera të lidhura me to’, të ndryshuar”.

Pika 12: Projektligji "Për treguesit gjeografikë për produktet artizanale dhe industriale".

Pika 13: Projektvendim "Për ngritjen e Komisionit të Posaçëm Parlamentar për fazën e dytë të Reformës Administrativo-Territoriale në Republikën e Shqipërisë".

Pika 14: Diskutime për çështje jashtë rendit të ditës.