UASHINGTON, 21 Tetor 2026 — Presidenti amerikan, Donald Trump, ka deklaruar sërish se fundi i luftës në Ukrainë është shumë afër dhe se palët ndodhen më afër paqes se kurrë më parë.

Presidenti i SHBA-së i bëri këtë deklarata gjatë një tryeze të rrumbullakët në Shtëpinë e Bardhë, ndërsa komentoi lirimin nga pala ruse të Steven Hubbard, një mësues amerikan në pension i cili u arrestua pasi luftoi në anën e Ukrainës. Trump bëri me dije se ky zhvillim erdhi pas një bisede të drejtpërdrejtë me presidentin rus Vladimir Putin, duke nënvizuar se Rusia "nuk kërkoi asgjë në këmbim".

Donald Trump: “Unë thashë, ‘A mund ta lironi Stephen Hubbard?’ … dhe tani ai është duke u kthyer.”

Paralelisht me deklaratën e Presidentit amerikan, edhe një nga bashkëpunëtorët më të ngushtë të Putinit, Yuri Ushakov, konfirmoi se konflikti po shkon drejt fundit.

Yuri Ushakov: “Konflikti ukrainas po i afrohet fundit… Nuk e di sa afër jemi, por gjërat po lëvizin në atë drejtim.”

Sipas zyrtarit rus, Moska është gati të rifillojë bisedimet trepalëshe me SHBA-në dhe Ukrainën në mesin e muajit nëntor, ku vendi me gjasë për mbajtjen e takimit parashikohet të jetë Abu Dhabi.