SEVILA, 21 Tetor 2026 — Ish-portieri i Fulham dhe Sevilla-s, Sergio Rico, ka rënë viktimë e një grabitjeje me armë brenda shtëpisë së tij pranë Sevillas, në një ngjarje të frikshme ku u përfshi e gjithë familja e tij.

Pesë persona të maskuar u futën me dhunë në banesë ndërsa familja po darkonte. Grabitësit e lidhën 33-vjeçarin dhe kërcënuan bashkëshorten e tij, influenceren Alba Silva, në sytë e dy fëmijëve të tyre, njëri prej të cilëve i sapolindur. Sipas raportimeve, një prej autorëve madje i vuri pistoletën në tëmth vjehrrës së futbollistit përpara se të merrnin para, bizhuteri dhe çanta luksoze.

Policia ka nisur hetimet ndërsa ende nuk ka asnjë person të arrestuar. Ish-portieri konfirmoi sulmin e dhunshëm por përgënjeshtroi lajmet se ishte rrahur brutalisht, ndërsa bashkëshortja e tij shprehu tronditjen në rrjetet sociale.

Alba Silva: “Jam ende në gjendje shoku. Nuk kam fjalë për atë që ndodhi.”