TIRANË — Gjykata e Tiranës ka caktuar masën e sigurisë “arrest në burg” për 40-vjeçarin Ngushëllim Manzi, i cili akuzohet si autor i vrasjes së dy vëllezërve Selam dhe Nazmi Islamaj, si dhe i plagosjes së vëllait të tyre, Shefqet Islamaj, ngjarje e ndodhur dy ditë më parë në Bathore të Kamzës.

Gjatë marrjes në pyetje nga forcat e policisë, Manzi ka shprehur pendesë për krimet e kryera, ndërsa gjatë seancës për caktimin e masës së sigurisë ai zgjodhi të mos flasë për shkak të gjendjes së rënduar psikologjike, duke lënë avokatin mbrojtës të paraqesë versionin e tij mbi ngjarjen.

Sipas pretendimeve të mbrojtjes, përplasja e përgjakshme e 19 tetorit nisi pasi tre vëllezërit Islamaj patën dhunuar me sende të forta e leva 40-vjeçarin, motrën dhe nënën e tij. Manzi pretendon se e ka marrë armën e zjarrit dhe ka qëlluar ndaj tyre në kushtet e një tronditjeje të rëndë psikike, ndërsa organet e drejtësisë po vijojnë hetimet për të bardhur të pota rrethanat e konfliktit.