KORÇË — Bojkoti i procesit mësimor ka përfshirë këtë të mërkurë edhe institucionet e arsimit të lartë në qytetin e Korçës, ku auditoret kanë mbetur pothuajse të zbrazëta për shkak të pjesëmarrjes mjaft të ulët të studentëve.

Këshilli Studentor i Universitetit të Korçës ka bërë thirrje për grumbullimin e të rinjve përballë Pallatit të Sportit, për të shprehur solidaritetin dhe kërkesat e tyre përmes një qëndrese qytetare.

Ndryshe nga tensionet e ditëve të fundit në kryeqytet, organizatorët në Korçë kanë nëvizuar se protesta e tyre do të jetë tërësisht paqësore, pa akte dhune apo dëmtime ndaj forcave të rendit e bizneseve private. Studentët kanë bërë të ditur gjithashtu se do të distancohen dhe do të largohen menjëherë nëse në tubim shënohen incidente apo përplasje nga ana e nxënësve të shkollave të mesme apo 9-vjeçare.