Të dhënat po ngarkohen...
Transmetuar më 20-10-2026, 20:52
TIRANË, 20 Tetor 2026 — Shoqata Kombëtare e Gjyqtarëve të Republikës së Shqipërisë ka reaguar zyrtarisht pas deklaratave të Kryeministrit Edi Rama mbi vendimet e gjykatave për protestuesit e ndaluar, duke shprehur shqetësim për gjuhën e përdorur dhe ndikimin e saj në pavarësinë e pushtetit gjyqësor.
Përmes një deklarate publike, Shoqata dënoi aktet e dhunshme gjatë protestave, përfshirë sulmet ndaj godinave të Gjykatës së Lartë dhe Gjykatës së Apelit, si dhe zjarrvënien e dëmtimin e dosjeve gjyqësore. Njëkohësisht, ajo shprehu shqetësim për mungesën e masave të mjaftueshme mbrojtëse nga Policia e Shtetit dhe kërkoi garantimin e sigurisë së institucioneve dhe personelit gjyqësor.
Shoqata theksoi se megjithëse kritika ndaj vendimeve është e ligjshme, komentet publike të kryeministrit nuk duhet të shndërrohen në sulme personale apo trysni mbi gjyqtarët. Ajo i bëri thirrje aktorëve politikë e institucioneve për vetëpërmbajtje, duke nëvizuar se ligjshmëria e masave të sigurisë vlerësohet vetëm nga gjykatat mbi bazën e ligjit dhe provave.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd