TORINO, 20 Tetor 2026 — Një vjedhje me vlerë rreth 150 mijë euro ka ndodhur në pallatin historik “Venaria Reale” në periferi të Torinos, ku janë grabitur 26 orë xhepi me ar dhe smalt të shekullit XVIII.

Ngjarja ka ndodhur në orët e para të mëngjesit, kur të paktën tre persona me fytyrë të mbuluar kanë hyrë në kompleksin barok rreth orës 02:00, kanë thyer vitrinën në Sallën e Audiencës së Dukës së Savojës dhe janë larguar me orët e prodhuara në Angli e Francë. Autorët arritën të largoheshin me objektet e çmuara pavarësisht pranisë së rojeve të armatosura dhe alarmeve në funksion.

Koleksioni i vjedhur i përkiste një donacioni të bërë në vitin 2012 nga familja e Giorgio Acornero. Ndërkohë që objektet janë të siguruara, policia italiane po analizon pamjet e kamerave të sigurisë për të identifikuar autorët dhe për të sqaruar se si ata arritën të depërtonin brenda rezidencës mbretërore.

Furto da film alla Reggia di #Venaria Reale, il complesso sabaudo alle porte di #Torino. Rubati 26 orologi antichi per un valore di 150mila euro.#Tg1 Elena De Vincenzo pic.twitter.com/k6wDAIVf9j

— Tg1 (@Tg1Rai) October 20, 2026