FIER, 20 Tetor 2026 — Një aksident rrugor është regjistruar sot në hyrje të bypass-it Mbrostar–Levan, pranë rrethrrotullimit të Spitalit Memorial Turk në Fier, ku janë përplasur një betoniere dhe një automjet transporti.

Si pasojë e përplasjes, betonierja ka dalë nga rruga, ndërsa njëri prej drejtuesve të mjeteve ka pësuar frakturë në krah. I dëmtuari është transportuar me urgjencë në Spitalin Rajonal të Fierit për të marrë ndihmën mjekësore dhe ndodhet jashtë rrezikut për jetën.

Në vendngjarje kanë mbërritur forcave të Policisë së Shtetit për të rregulluar lëvizjen e mjeteve pas vështirësive të krijuara në trafik, ndërsa grupi hetimor po punon për zbardhjen e shkaqeve dhe rrethanave të aksidentit.