TIRANË — Kryeministri Edi Rama ka ndërmarrë një lëvizje të papritur duke nxjerrë karriget në mes të Bulevardit "Dëshmorët e Kombit", ku u ka bërë thirrje publike studentëve protestues për të ukur në një tryezë dialogu të drejtpërdrejtë.

Nisma e kreut të qeverisë vjen menjëherë pas ditëve të tensionuara të protestave në kryeqytet dhe rrethe, të cilat u shoqëruan me përplasje me forcat e rendit, shoqërime masive dhe akuza të shumta nga opozita e shoqëria civile për dhunë policore ndaj të rinjve e studentëve.

Përmes kësaj ftese në ambient të hapur, kryeministri kërkon të hapë një kanal komunikimi me manifestuesit për të diskutuar kërkesat e tyre, ndërsa mbetet për t’u parë reagimi i drejtpërdrejtë i studentëve dhe nëse ata do ta pranojnë ftesën për përballje publike.