TIRANË, 19 Tetor 2026 — Numri i personave që kanë marrë ndihmë mjekësore për shkak të lëndimeve gjatë protestave në Tiranë ka arritur në 310, që nga nisja e tubimeve më 13 tetor. Sipas të dhënave zyrtare të autoriteteve shëndetësore deri në orën 21:00 të mbrëmjes së sotme, mes të lënduarve janë 191 punonjës të Policisë së Shtetit, 88 protestues dhe 31 kalimtarë.

Për sa i përket zhvillimeve të ditës së sotme, në Spitalin Universitar të Traumës u paraqitën katër kalimtarë. Një përfaqësues i një medie ndërkombëtare dhe një qytetar u larguan pas marrjes së mjekimit në gjendje jashtë rrezikut për jetën, ndërsa dy kalimtarë të tjerë vijojnë ekzaminimet e nevojshme mjekësore.

Në Qendrën Spitalore Universitare “Nënë Tereza” kanë marrë trajtim mjekësor tre persona: një efektiv policie, një protestues i mitur dhe një përfaqësues i medias, të cilët paraqiten në gjendje shëndetësore stabël. Autoritetet shëndetësore vijojnë monitorimin e situatës në strukturat spitalore të kryeqytetit.