TIRANË, 19 Tetor 2026 — Në ditën e shtatë të protestës studentore në kryeqytet, Policia e Shtetit ka vijuar me valën e shoqërimeve dhe arrestimeve të personave të përfshirë në tubime, mes të cilëve edhe shtetasin Pashk Paluca, me origjinë nga fshati Gojan i Vogël i Bashkisë Pukë.

Sipas të dhënave, i riu është person me aftësi të kufizuara dhe jeton në kushte të vështira ekonomike e sociale vetëm me gjyshen e tij.

Pas arrestimit të kryer gjatë ditës së sotme në Tiranë, gjyshja e të riut ka bërë apel publik për lirimin e tij nga ambjenti i paraburgimit, duke ngritur shqetësimin për gjendjen e tij shëndetësore dhe pamundësinë për të përballuar ndalimin.