Të dhënat po ngarkohen...
Transmetuar më 19-10-2026, 20:43
TIRANË, 19 Tetor 2026 — Kisha Ortodokse Autoqefale e Shqipërisë ka reaguar zyrtarisht pas incidentit të regjistruar mbrëmjen e sotme në oborrin e Katedrales “Ngjallja e Krishtit” në Tiranë, ku forcat e policisë ndërhynë për të ndaluar disa protestues.
Përmes një deklarate zyrtare, institucioni fetar shprehu shqetësimin për zhvillimet në terren dhe nëstabilizoi se ambientet e kultit nuk duhet të përdoren si hapësira për përplasje apo konflikte civile. Kisha rikujtoi se Katedralja është një vend i shenjtë lutjeje, ku zhvillohen shërbesat fetare dhe ku promovohet kultura e paqes.
Në përmbyllje të reagimit, Kisha Ortodokse u bëri thirrje qytetarëve dhe protestuesve të distancohen nga çdo akt dhune dhe të zgjedhin rrugën e dialogut për zgjidhjen e mosmarrëveshjeve.
REAGIM
Kisha Orthodhokse Autoqefale e Shqipërisë, pasi pa pamjet e ngjarjeve në oborrin e Katedrales “Ngjallja e Krishtit” në Tiranë, shpreh shqetësimin dhe bën thirrje të respektohen vendet e saj të shenjta. Ato asnjëherë nuk janë hapësira konflikti e përplasjeje dhe nuk i pranojnë ato.
Katedralja “Ngjallja e Krishtit” është vend i shenjtë lutjeje, vend ku kryhen shërbesat e shenjta dhe ku predikohet kultura e paqes.
Kisha Orthodhokse Autoqefale e Shqipërisë bën edhe njëherë thirrje për distancim nga dhuna dhe gjetjen e hapësirës së dialogut.
Tiranë, më 19 tetor 2026
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd