TIRANË — Kryetari i Partisë Demokratike, Sali Berisha, ka lëshuar akuza të forta ndaj ish-drejtuesit të Prokurorisë së Posaçme (SPAK), Altin Dumani, menjëherë pas daljes nga ambientet e këtij institucioni ku u paraqit për të zbatuar masën e sigurisë “detyrim paraqitje”.

Berisha e cilësoi kreun e SPAK-ut si një kundërshtar të procesit demokratik dhe të votës së lirë, ndërsa bëri të ditur se përpara se të largohej nga godinat e prokurorisë kishte lënë një shënim zyrtar të drejtuar drejtpërdrejt Altin Dumanit.

Në fjalën e tij për mediat, kryetari i PD-së u shpreh:

"Të dashur qytetarë dhe qytetare që ndiqni këtë konferencë shtypi pasi dola nga Skapi i partisë. Gjatë qëndrimit aty, i paraqitur në përputhje me ligjin, lashë shënimin: Altin Gjokës Troplinit Hajrit Dumanit, armikut të egër të pluralizmit politik dhe votës së lirë të shqiptarëve, drejtësia vonon, por nuk harron."

Lideri i opozitës vijoi deklaratat e tij duke akuzuar strukturat e posaçme për mbrojtje politike ndaj mazhorancës dhe për mbylljen e dosjeve që lidhen me tjetërsimin e vullnetit të votuesve në zgjedhje.